頭髮與梳子

我日用的梳子。

自從脫離女生頭髮不准長及肩膊的小學之後，我就一路留長頭髮，梳辮呀紥髻呀電燙呀挑染呀樣樣做齊，多年以來早晚常梳頭，而且是那種順逆都要梳通的程度（除咗某陣時電咗勁攣一大把頭髮之外），為咗搞髮型，也因為梳頭讓我覺得好舒服（執番一地的頭髮雖然煩但係必須，不宜丟入馬桶會堵塞㗎）。直到好最近我先知唔係個個都有梳，唔係個個都梳頭（至多用手抓下就算），哦。

豬鬃毛梳～用咗頭髮順更多
鋼針/木針梳～按摩頭皮超舒服
扁齒梳～整理貼服頭髮，尤其紥辮時。隨帶在身。



自小對古怪事物好奇，除了外星人埃及南美古金字塔百慕達三角四川三星堆等等之外，古代墳葬等考古發掘我也很愛讀，而自從在博物館裡親眼(當然是隔著玻璃的)看過，也讀過國家地理雜誌報導那些在南美乾燥高地上的木乃伊或歐洲冰封山區裡的iceman等，那些千年不化的古屍身，頭髮牙齒仍然完好而千年不化這件事，給我留下好深印象。